السلام عليكم ورحمة الله وبركاته
سمك بالزيت والليمون
وقت التحضير: 10-15 دقيقة
وقت الطهي: 20-25 دقيقة
المكونات
سمك (بعدد الأفراد)
خل + ملح : لغسيل السمك
كرفس (ربع حزمة لكل سمكة)
ثوم
ملح + فلفل + كمون
ليمون (3 لكل سمكة)
خل (غطاء لكل سمكتين)
بطاطس (تكفي تملي الصينية)
زيت زيتون (ممكن زيت عادي وبيختلف في الطعم)
تنضيف السمك
نتأكد إنه نضيف من جوة (الأمعاء والحاجات دي) - في الغالب بيكون جي متنضف
ونتأكد برده إنه نضيف من بره (مش عليه قشر) وده لو موجود نكحته بالسكينة.
ننقع السمك في ماء عليه خل وملح
البطاطس
نقطع البطاطس حلقات ونسلقها لحد لما تكون قربت تنضج
التتبيلة
كرفس + ثوم + ملح + فلفل + كون + ليمون (2 لكل سمكة) + خل
نضربهم في الكبة
وبعدين نحطهم في السمكة من جوة ومن الناحيتين من برة
طريقة التحضير
نجيب صينية تيفال ونفرش فيها البطاطس ونحط عليها السمك
نقطع باقي الليمون طرنشات و نحط ليمونة على كل سمكة
نضيف زيت على كل سمكة برده
نكون مسخنين الفرن على أعلى حرارة
وبعدين ندخل الصينية بتاعتنا فيه
ونسيبها من 20-25 دقيقة
